打下波

有朋友想打,自己又想打,坐言起行,book左個場,膽粗粗,唔怕醜,又拎返起個網球拍,重施故伎.學係學過,但都已經二十(甚至二十幾)年前既事.大學都有打,但不到五次.今次打雖然都係肉酸(六個波俾我打到得三個,有三個去左好遠既地方,搵唔返),不過已經沒有我想像中的一敗塗地.我深信,打多兩次就無問題.終於做返些少舉野以外既真運動.我分明就係個運動型男.哈!哈!

無聊人恩物

好愛facebook,因為facebook實在好無聊.當中的Parking War,可以話將無聊推到頂點.一個顏色配對遊戲,車跟車位的顏色一樣就泊得,錯就俾人抄牌,簡單過小學入學試問題.但唔知點解又會玩.仲要每日返工第一件事就係泊好架車先.唔須要用腦既玩意,正野.